Откако Министерството за здравство на Велика Британија објави дека кај одредени пациенти заразени со коронавирус е откриен нов сој, меѓународната заедница со причина се загрижи. Се покажало дека новиот сој се шири за 70 проценти полесно од оригиналниот коронавирус и дека има некои малку поинакви симптоми.
Британскиот NHS (National Health Service) на својата страна предупреди на седум симптоми кои се забележани кај лицата заразени со новиот сој на коронавирусот. Станува збор за:
- Замор
- Губење на апетит
- Главоболка
- Пролив
- Збунетост
- Болки во мускулите
- Осип
Еден од водечките британски научници Тим Спектор вели дека луѓето не би требало да се фокусирани само на кашлицата, зголемената температура или губењето на мирисот и вкусот, како што се сега.
“Новиот сој е обвинет за неодамнешниот пораст на нови случаи и на југоистокот од земјата, меѓутоа иако е очигледно дека тој сој почнува да провладува во забележаните инфекции, и натаму нема докази зошто се однесува поинаку“, истакнува проф. Спектор.
