Долгото седење, подгрбавеното држење, немањето физичка активност или тешката физичка работа се само некои од причините за болки во долниот дел на грбот (лумбаго) – еден од најчестите здравствени проблеми на денешницата.
Се проценува дека околу 23% од возрасните денес страдаат од болка во грбот (лумбаго) која трае најмалку три месеци и затоа може да се опише како хронична. Причините за болки во грбот можат да бидат механички и воспалителни и може да бидат многубројни, како инфекција, болести на бубрезите и дигестивниот систем… Болката во долниот дел на грбот или лумбаго е состојба на телото, синдром кој се манифестира со болка во лумбален дел од ‘рбетот. Болките може да бидат присутни при мирување или при движење. Може да започне нагло како последица на грчење, нагло движење, кревање тешко или пак постепено како резултат на долготрајни лоши положби (лош душек, лоша перница, лоши позиции на работа во однос на столот, висината на екранот на компјутерот…)
Д-р Бајо Кари-Винчел, лекарка во болницата Света Марија појаснува што треба да знаете за лумбагото и кои симптоми откриваат дека страдате од него.
- Болка во долниот дел на грбот (неочекувана, силна)
Д-р Кари-Винчел открива дека често се случува лицето во еден момент нормално да подготвува вечера, а во следниот да не може да стане од столот. Токму овој неочекуван момент е еден од симптомите кој го откриваат лумбагото, а тие можат да траат неколку дена, недели, па дури и месеци.
- Болка во ногата
Лекарката напоменува дека и ова е еден од првите симптоми на лумбаго, односно болка во долниот дел на грбот, која е последица на скратување на мускулите и стискање на нервите кои се наоѓаат во долниот дел на грбот. Колку долго ќе трае болката зависи од тоа колку нерви се зафатени.
- Болка во колкот
Д-р Кари-Винчел објаснува дека може да почувствувате затегање или болка во колкот, а истото поради стеснувањето на мускулите во долниот дел на грбот. Состојбата може да ве следи неколку дена, недели или месеци.
- Што предизвикува болки во долниот дел на грбот
“Лумбагото се дефинира како болка во долниот дел од телото. Болката може да биде предизвикана од многу нешта, а сепак често се поврзува со извршување на секојдневните задачи, како што се облекување, кревање дете, чистење на кујната и миење садови. Повторувањето на таквите движења предизвикува мускулите во грбот да се затегнат и стискаат како да сте нападнати. Ова е всушност заштитна реакција на телото – го штити ‘рбетот од можни повреди. Овие мускулни грчеви се поврзани со неможноста да станете, стоите или да одите, а кога ќе се обидете да седнете, мускулите ќе се стегнат и тоа ќе предизвика моментална болка“, појаснува докторката.
- Како лумбагото може да предизвика секојдневни проблеми
Д-р Кари-Винчел истакнува дека оваа состојба може да биде доста исцрпувачка: “Мускулите во грбот ќе помогнат да останеме активни и ќе ни овозможат мали или големи движења. Секој понекогаш ќе искуси болка во грбот и тоа на различни начини, но сепак често се поврзува со сериозна болка што ќе го отежне секој обид за станување или движење. Ако доживеете и намалена контрола над цревата, температура или чувство на трнење, во прашање може да биде состојба која бара итен преглед кај лекар“.
- Зошто е толку тешко да се дојде до дијагноза?
Лумбагото или болката во долниот дел на грбот може да зафати разни подрачја, како што се колковите или нозете, што може да го отежне патот до дијагнозата, вели д-р Кари-Винчел.
- Како да се превенира болка во долниот дел на грбот?
Д-р Кари-Винчел вели дека иако е важно да останете активни и да се вклучите во активности со умерен интензитет, тренингот за сила ќе помогне при некои движења, како што е кревањето тешки предмети. Квалитетната исхрана исто така може да превенира развој на болести во долниот дел на грбот.
