Со појавата на новата варијанта на коронавирусот, омикрон, главно е прашањето колку таа е позаразна во однос на другите варијанти. Досега омикрон е откриен во 63 земји во светот, а Светската здравствена организација вели дека во заразноста ќе ја надмине и делта варијантата. Се чини дека стручњаците се помалку загрижени околу сериозноста и симптомите на омикрон.
Од СЗО велат дека омикрон е поблага варијанта во однос на делта.
“Се уште се ограничени податоците што ги имаме за омикрон. Иако прелиминарните истражувања од Јужна Африка велат дека е помалку опасна од делта, а сите случаеви забележани во Европа се или благи или асимптоматски, се уште е нејасно колку омикрон би можел да биде помалку инфективен. Потребни се повеќе податоци за да сфатиме колку е сериозна оваа варијанта“, велат од СЗО.
И додека новата варијанта, полна со мутации, е заразна, симптомите засега се благи. Еден од главните знаци на инфекција со омикрон е болка во телото. Според зборовите на лекарот по општа медицина, д-р Унбена Пилаја од Јужна Африка, ноќното потење проследено со силни болки во телото би можело да укажува на инфекција со омикрон.
Болката во телото е знак за инфекција. Тоа е знак за воспаленија кои го активираат вашиот имун систем додека се бори против туѓ патоген. Иако инфекцијата со претходните соеви можеше да предизвика болка во телото, сепак е поретка, од на пример, покачената телесна температура и кашлицата.
Еден од најпознатите симптоми на КОВИД-19 е губењето на сетилото за мирис и вкус, но како што вели д-р Анџелик Коци, лекарка која прва ја откри омикрон варијантата, губењето на мирисот и вкусот кај новата варијанта не е толку често.
Блага температура, силна болка во телото, замотр, гребење во грлото наместо болка во грлото и ноќно потење се некои од вообичаените симптоми на омикрон варијаната.
Освен тоа, КОВИД-19 општо го напаѓа системот за дишење и тие тешки инфекции може да предизвикаат упорна сува кашлица, отежнато дишење, болка во градниот кош и ниско ниво на кислород во крвта, што никако не трабо да го игнорирате.
