Ракот на желудник некогаш била болест на повозрасните лица, а денес од него се почесто заболуваат млади луѓе на возраст од 40 до 55 години. Ако се открие во рана фаза, процентот на излекување е 90%. Ако лекувањето започне о понапредната фаза на болеста, петгодишното преживување е помало за 3%, веднаш зад ракот на панкреас.
Ракот на желудник настанува со канцерогена преобразба на клетките на слузницата на желудникот. Таквата форма на рак се нарекува аденокарцином. Тој претставува 90-95% од сите случаи на рак на желудникот. Иако зачестеноста на ракот сместен во самиот желудник е во опаѓање, драматично расте бројот на случаи на рак сместен на преминот од хранопроводот во желудникот. Особено загрижува што овој тип на рак често се јавува кај пациенти помлади од 40 години.
Ракот на желудник не е лесно да се препознае, бидејчи дури и кога симптомите конечно ќе се појават, обично се незначителни и пациентот подолго време ги занемарува.
На овие симптоми обрнете внимание и не ги игнорирајте:
- Лошо варење и жиговина
- Чувство на непријатност и болка во желудникот
- Мачнина и повраќање (со или без крв)
- Пролив или запек
- Надуеност по оброк
- Губење на апетит
- Слабост и замор
- Крварење (крв во содржината од желудникот или во столицата)
- Необјасниво намалување на телесната тежина
- Болка во стомачната шуплина
- Необјаснива нелагодност во стомачмата шуплина, односно во делот над папокот
- Чувство на прејаденост и по скромен оброк
- Отекување или насобирање на течности во делот на стомакот
- Анемија
Повеќето од овие симптоми може да бидат поврзани со некои други, бенигни состојби, како желудочен вирус или чир. Исто така, може да се појават и како симптом на некоја друга лоша болест. Независно од тоа, ако забележите некои од наведените симптоми, а притоа не се повлекуваат или се влошуваат, веднаш побарајте лекарска помош.
