Да се пие вода секој ден е здраво, но ниту со водата не смее да се претерува. Дневно се препорачуваат осум чаши, но значајно повеќе од тоа може да има и одредени несакани ефекти.
- Главоболка
До главоболка може да дојде поради недоволно вода, односно дехидрација, а се чини дека може да биде предизвикана и од премногу вода, како што забележала новинарката на порталот Eathis.com која одлучила да пие повеќе од три литри вода дневно во текот на еден месец. .
Имено, доаѓа до намалување на нивото на натриум што предизвикува главоболка, а несакани ефекти се и замор и слабост. Затоа, во водата треба да се додадат електролити за телото да ги добие потребните хранливи материи.
- Поголема желба за вода
Во првите неколку недели, вели таа, ако не испиела нешто цел час, чувствувала жед и желба за вода. Таа претпоставува дека нејзиното тело било во шок бидејќи дотогаш пиела многу малку вода. Таа смета дека е интересно откритие да телото и кажува дека треба да пие повеќе вода.
- Постојано одење во тоалет
Тоа било очекувано, наведува таа, но преголемата количина на вода може да ја отежне функцијата на бубрезите, што може да доведе до сериозни несакани ефекти. Телото произведува урина за да ги исфрли токсините и вишокот вода од организмот, а во тоа важна улога имаат бубрезите кои ги филтрираат токсините од крвта и го земаат вишокот вода од крвта за да се одржи баланс на електролитите.
Таа заклучила дека не треба постојано да пие повеќе од три литри вода, туку препорачаната количина која е здрава за организмот и нема да дојде до несакани нуспојави.
