Салмонелата е една од најчестите батерии што го напаѓа организмот, обично дигестивниот тракт.
ШТО Е САЛМОНЕЛА?
Бактерија што може да се добие со труење од храна. Инфекцијата предизвикана од салмонела се нарекува салмонелоза и од неа може да заболи секој, а особено се чувствителни лицата кои се борат со малигна болест.
СИМПТОМИ
Салмонелоза може да се јави од 12 до 72 часа од заразување со бактеријата и сите лица немаат симптоми. Првите симптоми вклучуваат:
- Дијареа
- Треска
- Повраќање
- Грчеви во стомакот
Симптомите траат помеѓу четири и седум дена, а обично на заболените не им е потребна хоспитализација. Единствено што може да биде опасно е доколку дојде до дехидрација, поради исцрпеност на организмот, поради што се препорачува често внесување на течности.
КАКО СЕ ШИРИ САЛМОНЕЛАТА?
Салмонелата обично се шири во контаминирана храна која не е правилно подготвена пред јадење. Бактериите живеат во домашните животни, а најчесто може да се добие од јајца или од консумирање недоволно сварено или испржено месо.
СОВЕТ: За да бидете сигурни дека сте ги уништиле сите бактерии, задолжително убаво сварете го месото. Исто така, овошјето, зеленчукот треба убаво да се измие пред јадење или подготвување. Салмонелата е поврзана и со хигиената, па доколку не ги измиете рацете по користење на тоалет, а земете да подготвувате храна, може да дојде до труење со оваа бактерија.
КОЛКУ Е ОПАСНА?
Обично не го загрозува животот, а помалку од еден процент од луѓето починуваат од последици од оваа бактерија. Посебно ако се јават одредени компликации. Покрај дијареата и повраќањето, постои и ризик од дехидрација, па затоа е многу важно да се внесуваат многу течности. Ако салмонелата дојде до крвотокот, може да го зарази ткивото во организмот, вклучувајќи го мозокот, срцето и крвните садови.
Доколку ви се појават некои од горенаведените симптоми, проследени со температура која трае подолго од еден ден или не се намалува, или ако симптомите траат подолго од три дена, задолжително јавете се на лекар.
