Болеста во поголем процент и се открива кај лица над 50 години, но во новата студија која ја спровеле експертите од American Cancer Society е наведено дека стапката на појавност кај лица на возраст од 20 до 30 години е зголемена. Важно е да се додаде дека постојат шанси од 92 проценти за излекување, ако се открие на време, а тоа може ако знаете да ги препознаете раните симптоми.
Ова се некои од нив:
- АНЕМИЈА
Анемијата се карактеризира со намален број на црвени крвни зрнца (еритроцити) или хемоглобин во крвта. Ракот на дебелото црево ја забрзува потрошувачката на црвените крвни зрнца. Ниското ниво на хемоглобин во крвта може да биде симптом за рак на дебело црево, а обична крвна слика може да утврди дали сте анемични или не. Видливи показатели на анемија се бледи непца, чувство на трнење во рацете и нозете, како и замор.
- КРВ ВО СТОЛИЦАТА
Може да станува збор за крв во столицата, на хартијата кога се бришете или столицата може да биде во темна боја, а последица се хемороидите кои настануваат поради тумор или некој друг здравствен проблем. Не ја игнорирајте присутноста на крв во столицата, независно за колкава количина станува збор.
- ГУБЕЊЕ НА ТЕЛЕСНА ТЕЖИНА
Туморите може да предизвикаат губење на апетитот, но исто така ја менуваат и работата на метаболизмот.
- БОЛКИ ВО ДЕЛОТ НА СТОМАКОТ
Болките во стомакот може да се јават поради раст на туморот во цревата, затоа ако почувствувате болки во ова подрачје и тие не престануваат, не колебајте се. Иако има многу причини за болка во стомачната шуплина, не ризикувајте.
- ПОТЕШКОТИИ СО ДИГЕСТИЈАТА
Туморите често предизвикуваат запек, па е тешко да се изврши нужда, а тие ќе го променат и изгледот на столицата, која ќе биде тенка. Исто така, може да доживеете пролив. Ако овие промени траат до 4 недели, обратете се кај лекар.
