Иако повремените напади на жиговина, која се нарекува и рефлукс на киселина, не се причина за загриженост, тие не треба да се занемаруваат доколку се повторуваат. Лицата кои страдаат од жиговина имаат двојно поголема веројатност дека во текот на животот ќе им се дијагностицира рак на хранопроводот или говорниот систем, покажало истражување спроведено на половина милион возрасни лица.
Околу 17 проценти од овие карциноми кај луѓе на возраст од 50 до 70 години може да се поврзани со рефлукс на киселина, велат истражувачите.
Зголемен ризик е воочен без разлика на полот, и тоа лицата ако се пушачи или консумираат алкохол, што се некои од факторите за развој на одредени видови на рак.
Жиговината не е само потенцијален причинител на рак, туку и водечки симптом на рак на хранопроводот. Ова би можело да ја прикрие или маскира болеста бидејќи оние кои се навикнати да живеат со жиговина можеби нема премногу да размислуваат за тоа.
ЗНАЦИ КОИ НЕ СМЕЕТЕ ДА ГИ ЗАНЕМАРИТЕ
Главните симптоми на рак на хранопроводот е доста тешко да се забележат, велат лекарите. Тоа се жиговина, проблеми со голтањето, чувство дека сте болни, дигестивни пречки и често подригнување. Некои други знаци може да бидат засипната кашлица која не се подобрува, губење на апетит или губење на тежината, чувство на замор и болка во градите.
Жиговината која што постојано се јавува се нарекува гастроезофагеална рефлуксна болест (ГЕРБ). Накратко, тоа се случува затоа што мускулот кој овозможува проток на храната од хранопроводот во желудникот не работи како што треба. Желудочната киселина на тој начин успева да навлезе во хранопроводот каде што предизвикува иритација.
Може да зафати секого, но поверојатно е да се дијагностицира кај лица со прекумерна телесна тежина, бремени жени, пушачи или оние кои земаат одредени лекови. Затоа, лекарите речиси секогаш советуваат да се откажете од пушењето и да изгубите тежина (ако е потребно). Исто така, се препорачува избегнување на храна и пијалаци кои го влошуваат проблемот, како кафе, домати, алкохол и зачини.
СИМПТОМИ
Симптомите на ГЕРБ вклучуваат печење во градите, непријатен вкус во устата, икање или подригнување, засипнат глас, лош здив или надуеност. Симптомите обично се вложуваат после јадење, особено ако седите или лежите.
Треба да се консултирате со вашиот лекар околу терапија ако имате жиговина подолг период во текот на денот три недели или подолго, ако го промените начинот на живот и лековите без рецепт не помагаат или ако почувствувате симптоми како што се заглавување на храна во грлото, чести мачнини или губење на тежина брз причина.
