Ако ви тече носот, сигурно претпоставувате дека се работи за настинка. Но, ако состојбата не престанува или се чувствувате уште полошо, можеби е во прашање воспаление на синусите.
Важно е да знаете дека, иако може да се јават слични симптоми, настинката и воспалението на синуси се всушност различни болести. Еве што мора да знаете:
ШТО Е НАСТИНКА?
Обичната настинка е вирусно воспаление на слузницата на носот и предниот дел на ждрелото и се карактеризира со изразено кивање, чувство на затнат нос и ушите, сувост, стегање и лесна болка во ждрелото. Обично не се присутни општи симптоми. Болеста почнува по инкубацијата од 1 до 3 дена и најчесто трае околу една недела, шпо што доаѓа до целосно оздравување.
Симптомите на настинка вклучуваат:
- Болно грло
- Течење на нос
- Кашлица
- Кивање
- Главоболка
- Болки во телото
ШТО Е ВОСПАЛЕНИЕ НА СИНУСИ?
Воспалението на синусите значи воспаление и отекување на слузницата на синусите, може да биде бактериско, вирусно, па дури и габично. Најчести симптоми се притисок во главата и главоболка, обилен исцедок од носот и зад носот, кај потешките воспаленија и покачена температура. Доколку има гноен секрет, тоа укажува дека може да се работи за бактериско воспаление. Крвавиот исцедок од носот исто така укажува на воспаление и треба подетално да се испита целата носна празнина. Според Американскиот центар за алергија, астма и имунологија, симптомите на синузитис вклучуваат:
- Постназално капнување
- Зелена слуз од носот
- Чувствителност на лицето под очите или челото
- Болка во предниот дел на главата
- Болни заби
- Кашлица
- Температура
- Замор
- Лош здив
КАКО СЕ ТРЕТИРА НАСТИНКАТА?
За жал, брз лек нема, но е важно да се внесуваат многу течности и да се одмора и да се користат лекови што може да ги набавите без рецепт, но тие нема да влијаат на текот на болеста, бидејќи настинка предизвикуваат вируси, а не бактерии и антибиотици не помагаат.
Д-р Сузан Бесер, докторка во Медицинскиот центар Мерси во Балтимор, советува да се користи лек како ибупрофен при температура и болки, но и при затнат нос. Медот е многу добар препарат доколку имате кашлица. Ќе помогнат и спрејовите за нос, но и топла пилешка супа која ќе ве стопли. Најдобро е секако да си ги олесните симптомите.
КАКО СЕ ТРЕТИРА ВОСПАЛЕНИЕТО НА СИНУСИ?
Воспалението на синуси често ќе помине само од себе, велат стручњаците од Центарот за контрола и превенција на болести (ЦДЦ), но ако вашата инфекција никако не поминува и е предизвикана од бактерија, можеби ќе мора да пиете антибиотици. Ако лекарот одлучи дека ви требаат антибиотици, може ќе мора да пиете и до 28 деНа, а такви долги третмани обично се препишуваат на лица кои имаат малку потешки форми на воспаление на синуси. Американскиот центар за алергии, астма и имунологија наведува дека треба да се биде внимателен при употреба на антибиотици, а ги советуваат само на лицата кои се борат со симптомите повеќе од 7 или 10 дена. Тие исто така ве советуваат да го испробате следново за да ја олесните состојбата:
- Користење спреј неколку дена
- Земање антихистамини
- Пробајте интраназалани кортикостериоди (спреј)
- Чистете ја носната шуплина со раствор од сол и вода
