Бруксизмот или чкрипењето со заби, не е само непријатно за околината, туку може да предизвика и одредени здравствени проблеми, бидејќи додека чкриите, користите поголема сила отколку при вообичаеното џвакање.
Постојат два вида на бруксизам – првиот вклучува движења на долната вилица и може да биде прилично гласно, додека вториот се однесува на стискање на забите, кај кои нема движења на долната вилица и затоа е нечујно.
Според стоматолозите, најновите истражувања покажуваат дека бруксизмот е всушност психогена состојба и го предизвикуваат внатрешните тегоби кај индивидуата како преголем стрес, напнатост и анксиозност. Но, и генетиката има свој удел, па така таа е причина за чкрипење со забите кај 40 до 60% од случаевите.
Оваа состојба предизвикува прекумерно трошење и пукање на забите, болка во забите, вилицата, зглобоците на вилицата и главоболка. Ако не се лекува, бруксизмот на подолг временски рок, може да предизвика голема штета во целиот нервен систем.
ФИЗИЧКИ СИМПТОМИ КОИ УКАЖУВААТ НА БРУКСИЗАМ:
- Пречувствителност на забите на дразба (топло-ладно, кисело-слатко)
- Болка и нелагодност во пределот на увото при џвакање
- Бол и напнатост на мускулите за џвакање, особено наутро.
