![РАК](https://panacea.mk/wp-content/uploads/2019/02/RAK-1-696x392.jpg)
Истражување објавено во стручното списание “Lancet Public Health“, Американското здружение за рак, анализирало наназад 20 години собрани податоци за дијагнозите на рак кај возрасните Американци на возраст од 25 до 84 години и пронашло изненадувачко зголемување на степенот на заболувања лак лица помежу 25 и 49 години, особено за типовите поврзани со прекумерната тежина.
Од вкупно 12 испитани типови на карцином поврзани со дебелината, овие шест типови, кои вообичаено се јавуваат кај пациенти во 60. и 70. години, се се поприсутни кај младата популација:
- Колоректален карцином (рак на дебелото црево)
- Рак на ендометриумот
- Рак на жолчното ќесе
- Рак на панкреасот
- Рак на крвта
Кај лицата на возраст од 25 до 29 години забележан е најголем пораст на рак на бубрезите, со просечен годишен пораст од 6,23%, додека кај популацијата од 30 до 34 години, најголем пораст е забележан во појавата на ракот на крвта, дури 2,21%.
Кај младата возрасна популација забележан е и пораст на два вида карциноми кои не се поврзани со дебелината:
- Леукемија
- Гастроинтестинални тумори
Што предизвикува ваков пораст?
Иако истражувањето не било фокусирани на конретните причини за зголемување на овие стапки на ракот, претпоставката е дека еден од главните виновници е порастот на бројот на лица со прекумерна телесна тежина.
Со истражување од 2018 година, утврдено е дека прекумерната телесна тежина била причинител до 60% од сите карциноми на ендометриумот, 36% од карциномите на жолчното ќесе, 33% од карциномите на бубрези, 17% од карциномите на панкреас и 11% од ракот на крвта во 2014 година.
Врзано за ракот на дигестивниот систем и леукемијата, научниците сметаат дека за растот на појавноста на овие малигни болести, вината е во поголемиот процент на автоимуни болести, претераната употреба на антибиотици и изложеноста на канцерогените состојки во околината.