Во забрзаното секојдневие не е реткост да се зготви нешто набрзина, и тоа од оние „здравите“ намирници кои сте ги набавиле претходно… Но дали навистина пред вас на крајот имате здрав оброк?!
За следните пет намирници веруваме дека се здрави, а всушност во повеќето случаи не се и заради нив може да се случи несвесно да внесеме во организмот и до 1000 калории повеќе!
Готови салати
Не се сите исти, а оние кои се веќе готови за консумирање често содржат непотребни калории и нездрави маснотии, благодарение на додатоците како мајонез, масло и сл.
Енергетски плочки
Сигурно помагаат ако ви недостасува енергија, но и вишок калории, особено ако ги одберете оние со додаток на чоколадо, сируп или шеќер. Најсигурни енергетски плочки се оние што ќе си ги направите сами и така ќе ги контролирате состојките.
Смути
Основа на смутито се овошјето и млекото и тоа дефинитивно може само да му годи на здравјето. Но дуплите порции, додатоците како сируп или сладолед значат само вишок калории.
Смрзнат јогурт
Се чини поздрав избор од сладоледот, но ако се има предвид фактот дека порциите се големи и обично содржат додатоци како чоколадо или карамели, јасно е дека ова не е толку здрав деликатес.
Сосови за тестенина
Точно е дека доматот е полн со антиоксиданти кои го чуваат здравјето така што се борат против влијанието на слободните радикали кои, пак, влијаат на појава на разни болести – од дебелина до малигни заболувања. Сепак, кога станува збор за конзервираната верзија, треба да се знае дека се додаваат конзерванси и засилувачи на вкусот, па тој веќе и не е толку здрав.
