Веројатно знаете дека чајот од камилица најмногу се поврзува со доброто спиење, но оваа билка има уште многу други здравствени предности. Чајот од камилица е билен чај, благо сладок и нема многу цветен вкус. Се кориси со векови е една од најраспространетите билки во светот, која се користи за медицински цели. Иако има огромни благодати, сепак не е толку популарен како зелениот или црниот чај.
Еве неколку причини зошто чајот од камилица е одлична помош за здравјето:
- Помага за квалитетен сон
Чајот од камилица и неговите екстракти се користат за смирување и поттикнување на сонот. Неговите опуштачки особини потекнуваат од апигенинот, хемикалија која се наоѓа во билката и се врзува за рецепторите во мозокот кои буквално ги смируваат нервите. Иако докажувањето на ваквите ефекти, се уште е предизвик за стручњаците, многумина сметаат дека овој смирувачки напиток трена да се пие 30 до 60 минути пред спиење.
- Го подобрува здравјето на кожата и може да смири воспаленија
Маслата од оваа билка најчесто се додаваат во огромен број козметички производи, како и оние за намалување на воспаленија. Тие масла продираат во длабоките слоеви на кожата и имаат позитивен ефект на кожата.
- Може да помогне при заштита од некои видови рак
Истражувањата покажале дека чајот од камилица може да биде корисен во спречување на растот на клетките на ракот на кожа, простата, дојка и јајчници, пред да почнат луѓето да ги забележуваат симптомите.
