Јасно е дека рацете ви се студени ако на студено време шетате без ракавици, но што ако тоа се случува и во лето? Можеби е во прашање состојба која се нарекува Рејно феномен или синдром на Rаynaud.
СИМПТОМИ НА RAYNAUD СИНДРОМ
“Постојат лица кои и на студено време ќе излезат од дома и рацете само малку ќе им бидат поладни, но кај лицата кои го имаат овој синдром, реакцијата е поинтензивна, ако ги допрете нивните раце, ќе забележите разлика. Дури и кога времето не е така студено, тие имаат бели раце, студени како мраз“, појаснува д-р Мелиса Бекер.
Освен чувството на студено, ако ве мачи овој синдром, вашите раце може да бидат целосно бели, па сини, па црвени кога ќе ги загреете. Но, нема сите со овој синдром да ги забележат промените во боите на овој начин. Може да имате и силни симптоми и на ушите, носот, усните, па дури и на брадавиците.
Ако забележите било кој од симптомите, особено ако чувствувате болка во прстите, д-р Бекер советува да се обратите кај лекар кој ќе ве упати на ревматолог. Лекарот ќе утврди дали се работи за примарна форма на синдромот или за секундарна, што значи дека синдромот е предизвикан од некоја друга состојба.
ШТО ПРЕДИЗВИКУВА ПОЈАВА НА ОВОЈ СИНДРОМ?
Кога е во прашање примарната форма, генетиката игра огромна улога, а според експерите од Мајо клиниката, третина од лицата кои имаат примарна форма е поврзана и со други нарушувања. Иако состојбата може да се развие било кога, почесто се јавува кај жените и прв пат се забележува во ранат младост, појаснува докторката.
Но, кога е во прашање секундарната форма, која често се нарекува и феномен на Рејно, лекарите наведуваат дека се работи за некоја позадинска состојба како оштетување на нервите, повреди на рацете или стапалата, изложеност на некои хемикалии и постојан стрес, како и лекови кои влијаат на крвниот притисок. Оваа форма е поретка и често се јавува околу 40. година од животот.
ДАЛИ Е ОПАСЕН ОВОЈ СИНДРОМ?
Во повеќето случаи нема причина за загриженост, вели д-р Бекер, но го зголемува ризикот често да чувствувате студенило во рацете. Таа наведува дека може да се јават и грчеви, поради собирање на крвните садови во тоа подрачје. “Тоа може да резултира и со пликови и пропаѓање на ткивото на тоа место, а многу ретко се случува циркулацијата целосно да се прекине, што може да доведе до деформации. Во секој случај важно е да се отиде на лекар“, потенцира д-р Бекер.
