Откако ќе се вакцинирате против КОВИД-19, можеби ќе посакате веднаш да отидете на лекар за да ги направите сите испитувања кои сте ги одложувале. Но, според пишувањето на Центарот за контрола и превенција на болести на САД, постои причина зошто некои работи треба да се прескокнат и да се почека барем четири недели откако сте ја примиле последната доза вакцина против КОВИД-19.
Стручњаците велат дека тоа се однесува на мамографијата бидејќи по вакцинирањето може да дојде до отекување на лимфните јазли, кои може да се заменат за карцином. На страната на Ценатрот пишува дека на тој преглед треба да се почека и 4-6 недели по вакцинирањето.
“Лицата кои примиле вакцина, може да забележат дека под пазувите им се создал јазол, во близина на местото каде се вакцинирани. Се работи за нормална последица од вакцината која открива дека во телото се создава заштита од болеста“, стои на страната на Центарот за контрола и превенција на болести. Се работи за честа последица од вакцинирањето и кај мажите и кај жените. Тоа само значи дека шансите за лажно позитивен наод се многу поголеми.
- НЕ ЈА ОДЛОЖУВАЈТЕ МАМОГРАФИЈАТА ПОДОЛГО ОД ШЕСТ НЕДЕЛИ
Значи, паметно е да се почека одредено време за да направите мамографија, но нема причина веднаш денес да не закажете преглед во тој период. Д-р Џефри Холи, радиолог вели дека пациентите не треба да ја одложуваат мамографијата или вакцинацијата, особено ако тоа доведе до уште подолго одложување или целосно занемарување на прегледот.
- НЕ ПАНИЧЕТЕ АКО НА МАМОГРАФИЈАТА СЕ ПОЈАВИ ЈАЗОЛ
Дури и ако сте почекале шест недели за да направите мамографија, понекогаш на наодот може да се појави и јазол, кој всушност е последица од вакцинацијата. Не паничете, особено ако во семејството има историја на рак на дојка.
Д-р Ребека Гамс, радиолог вели дека во тој случај лекарите советуваат прегледот да се повтори по 2 или 3 месеци, за лимфните јазли да се вратат во нормала. Веројатно, лекарот поретко ќе препорача биопсија, со оглед дека може да дојде до споменатата грешка/превид.
Додека лекарите ги молат жените да ја одложат мамографијата на неколку недели, истовремено ги молат и оние кои се во ризична група да не го прескокнуваат и не го одложуваат овој преглед.
РАКОТ НА ДОЈКЕ НЕ БОЛИ, ПРЕПОЗНАЈТЕ ГИ СИМПТОМИТЕ НА ВРЕМЕ
Треба да се знаат можните знаци и симптоми, кои укажуваат на промени во дојката (можеби дури и на рак), како што се:
- грутка/јазол или задебелување на дојката кое поинаку се напипува во однос на околното ткиво,
- промени во големината, формата и изгледот на градите,
- промени во кожата на дојката, како темна кожа,
- вовлечени брадавици,
- лупење на пигментираниот дел од кожата околу брадавицата или кожата на дојката,
- црвенило и збрчкана кожа, како кора од портокал,
- исцедок од брадавицата,
- болка во градата или брадавицата.
