Светската здравствена организација неодамна објави дека омикрон варијантата на коронавирусот е присутна во 171 земја и дека може да го замени делта сојот како најдоминантен. СЗО исто така ги советува луѓето да не се опуштаат и да не го сфаќаат омикрон сојот како блага настинка бидејќи може да има сериозни последици по здравјето, доколку не се сфати сериозно.
Според најновите податоци од ZOE COVID студијата, болка во долниот дел на грбот е еден од осумте нови симптоми на омикрон варијанатата. Симптомот е пријавен кусо откако омикрон се појави во Јужна Африка. Лекарите велат дека имаат се повеќе пациенти кои имаат болка во долниот дел на грбот, а се позитивни на омикрон.
Она што е најлошо, овој симптом останува и откако лицето ќе се излекува, односно е негативно.
Додека симптомите на омикрон може да бидат благи, можноста за долг КОВИД-19 не може да се исклучи, велат водечките стручњаци.
КОИ СИМПТОМИ НА ОМИКРОН СЕ ДОСЕГА ПРИЈАВЕНИ?
Омикрон варијантата е високозаразна, но е поблага во споредба со делта сојот. Симптомите како блага температура, гребење во грлото, силни болки во телото, потење во текот на ноќта, течење од нос, кивање, повраќање и губење на апетит може да упатуваат на тоа дека сте заразни со омикрон.
Д-р Анжелик Коци, која прв ја откри омикрон варијантата во Јужна Африка вели дека пациентите кои се заразуваат со омикрон не пријавувале губење на мирис и вкус.
Исто така, меѓу пациентите заразени со омикрон, немало случаеви на затнат нос или многу висока температура, порачува д-р Коци.
