Едно научно истражување покажало дека трчањето во траење од 30 до 40 минути, 5 дена во неделата може да го забави стареењето на телесните клетки и со самото тоа, стареењето на целиот организам.
Имено, податоците добиени од 5 823 испитаници покажале дека биолошката старост на луѓето кои се физички мошне активни е за 9 години помала отколку кај луѓето кои претежно се бават со седентарни активности. Тие се, исто така, 7 години помлади (кога е во прашање биолошката старост) од личностите кои се умерено физички активни.
Научниците оцениле дека триесет минути трчање 5 пати неделно може да се смета за високо ниво на физичка активност за жените, додека мажите за да го забават стареењето на организмот би требало да трчаат 40 минути дневно, 5 пати неделно.
Ова не е прво истражување кое укажало на поволните здравствени ефекти на трчањето. Претходни студии покажале дека трчањето помага во превенцијата од остеопороза, како и дека може да ги ублажи симптоми и зачестеноста на нападите на мигрена.
