Модриот патлиџан се препорачува за дијабетичари за да им помогне во регулирањето на шеќерот во крвта. Претходни лабораториски студии сугерираат дека модриот патлиџан штити и од оштетувања на ДНК што доведува до рак. Со способноста да апсорбира вкусови, модриот патлиџан, иако не е толку богат со хранливи материи, е омилен зеленчук кој се одгледува ширум светот.
Спречува раст на туморите, го чисти мозокот
Не се занемарливи ниту неговите здравствени придобивки. Тоа е нискокалорична храна богата со влакна и калиум и често е достојна замена за месото.
Модрите патлиџани пристигнале во Европа во 7. век, главно се со виолетова кора, во форма солза. Тоа е единствениот вид модар патлиџан што го знаеме на овие простори, но овој разновиден зеленчук доаѓа во различни бои и форми – овална, долга, во облик на диња, со црна, бела, зелена, розова, портокалова кора.
Нутритивна вредност по оброк
Суровиот модар патлиџан содржи 92 проценти вода. Порција од 100 грама модар патлиџан има 25 калории, 1 грам протеини, 6 грама јаглехидрати, 0,2 грама масти и 3 грама влакна. Содржи и фолна киселина, витамини А, Ц, К, калциум, железо, магнезиум, фосфор и најмногу калиум и манган. Витамините А и Ц се антиоксиданти кои помагаат во заштитата на клетките од оштетување. Исто така, тој е богат со природни растителни материи наречени полифеноли, кои можат да им помогнат на клетките подобро да го обработуваат шеќерот.
Поради ова, модриот патлиџан им се препорачува на дијабетичарите за да помогне во регулирањето на шеќерот во крвта. Претходни лабораториски студии сугерираат дека модриот патлиџан штити од оштетување на ДНК што доведува до рак, но истражувачите велат дека оваа придобивка допрва треба да се потврди кај луѓето.
Семките имаат најголема моќ за срцето
Претходно направени студии покажуваат дека може да ги заштити мастите во мембраните кои се одговорни за заштита на клетките од штетните слободни радикали, кои ги произведува нашето тело, но може да дојде и од надворешни извори како што се зрачење, чад од цигари или одредени индустриски хемикалии. Се смета дека слободните радикали доведуваат до поголем ризик за развој на рак и атеросклероза, односно до акумулација на наслаги во артериите, што претставува значаен ризик за развој на кардиоваскуларни заболувања. Насунинот, состојка во овој зеленчук, помага да се намали количината на железо во крвта кога има премногу.
Големите количини на железо се фактор на ризик за срцеви заболувања, особено кај мажите и жените во менопауза. Покрај антиоксидантот насунин, модриот патлиџан има и други антиоксиданти кои можат да помогнат во заштитата од оштетување од слободните радикали што може да доведат до рак и други болести. Хлорогената киселина, која се наоѓа во модриот патлиџан, е антиоксидант кој не само што помага во превенција на карциномот, туку има и антибактериско и антивирусно дејство. Покрај сето ова, добар е и за намалување на лошиот ЛДЛ холестерол.
