Симптомите на рак на белите дробови можат да бидат мошне слични на оние кои ги предизвикуваат помалку сериозните болести. Така на пример, зачестеното кашлање е типична мака на асматичарите, додека редовните инфекции на дишните патишта често може да се само знак на ослабен имунитет или изложеност на алергени, на пример.
Меѓутоа ако освен ова патите и од болките во градите, губите апетит и килограми без некоја очигледна причина, отежнато дишете и искашлувате крв, важно е што поскоро да побарате лекарска помош за да се исклучи сомнежот за карцином на белите дробови. Особено е опасен фактот дека карциномот на бели дробови не дава никакви симптоми во почетокот на болеста, па не зачудува и фактот што го нарекуваат „тивок убиец“.
Важните промени кои треба да се земат предвид се и задебелувањата на врвовите од прстите на рацете – целиот прв зглоб на секој прст може да биде отечен, па дури и со црвена боја. Доколку оваа промена е вродена укажува на срцеви мани, но ако се појави буквално од нигде никаде појдете на лекар!
