Сите се поттикнуваат на балансираната исхрана. Така, и на дијабетичарите им се препорачува во исхраната да вклучат различно овошје, но сепак лекарите предупредуваат притоа да внимаваат со овошјето кое има повисок гликемиски индекс.
Гликемискиот индекс, имено, се користи за да се направи разлика помеѓу брзите и базни метаболизирани јаглехидрати. Тој покажува колку брзо храната што содржи јаглехидрати влијае на нивото на шеќерот во крвта кога се јаде сама.
Британското здружение на дијабетичари од целиот свет појаснува дека хрната со висок гликемиски индекс се разградува многу побавно предизвикувајќи нагло зголемување на нивото на шеќерот во крвта.
Ваквото нагло зголемување или скок особено може да биде опасно за лицата со дијабетес, бидејќи способноста телото да го контролира нивото на шеќер во крвта е намалена или воопшто не постои.
Овошјето со висок гликемиски индекс вклучува банани, портокали, манго, грозје, суво грозје, урми и круши.
Храната со понизок гликемиски индекс вклучува сливи, бобинки, киви и грејпфрут.
Експертите напоменуваат дека треба да се внимава да не се падне во стапица, бидејќи храната со висок гликемиски индекс не е секогаш лоша и не е здрава секоја храна со низок гликемиски индекс, на пример лубеницата има висок гликемиски индекс, а чоколадната торта има понизок.
Други примери на храна со висок гликемиски индекс вклучуваат шеќер и слатка храна, слатки безалкохолни пијалаци, бел леб, компири и бел ориз.
