По анализирањето на повеќе од 900 јогурти на британските пазар, истражувачите предупредија дека многу јогурти се преполни со шеќер и дека јавноста не смее да се залажува дека консумира здрава храна, пренесува Би-би-си.
-
Научниот тим од универзитетот Лидс открил дека т.н. органски јогурти биле меѓу најзасладените и содржеле повеќе шеќер на 100 грама отколку газираните пијалаци.
Премногу шеќер го оштетува вашето здравје и создава зависност!
Само природниот или грчки јогурт биле класифицирани во групата пијалаци со низок процент на шеќер. Според резултатите на истражувањето објавено во списанието „BMJ Open“, најмногу шеќер содржеле т.н. јогурт десерти – во просек 16,4 грама на 100 грама производ. Во таа категорија, по процентот на шеќер се нашле и производите како чоколаден мус. Втор по ред најзасладен јогурт бил „органскиот“ со просечно 13,1 грам на 100 грама производ.
Детските јогурти во просек содржеле 10,8 грама шеќер на 100 грама производ што одговара на количина од две коцки шеќер, утврдило истражувањето. За споредба, истата количина на газиран сок просечно содржи 9 грама шеќер.
Во групата на јогурти со низок процент на шеќер, односно помалку од пет грама шеќер на 100 грама производ, влегле само девет отсто од јогуртите
„Мислам дека луѓето, вклучувајќи ги родителите, ќе бидат изненадени од тоа колку шеќер всушности има во јогуртите“, изјавила водителката на истражувањето, Бернадет Мур.
„Мој совет е да купите природен јогурт и да го измешате со сопствено овошје“, апелира Мур.
