Една од првите студии врзана за ова прашање била спроведена во 1991 година во Лондон, кога било откриено дека меѓу 118 испитани лица, 75 проценти од нив се плашеле од пајак. Главно се работело за жени. Тие потврдиле дека во семејството имаат некој што се плаши од пајаци, но научниците не успеале да најдат врска меѓу генетиката и стравот или дека тоа е резултат на искуство од минатото.
Зошто се плашиме од пајаци?
Иако често се сметало дека причината е стравот од каснување, научниците заклучиле дека луѓето се плашат од нивните брзи движења и долги нозе. Не се согласуваат сите научници со овој заклучок, па во 1997 година Петар Мурис од Универзитетот Мастрихт дошол до заклучок дека, сепак не може да се отфрли претпоставката за претходна траума која може да биде длабоко закопана во сеќавањето.
Генетика или резултат на искуство од минатото. Што е причината за стравот од пајаци?
Интересно е што на децата им бил понуден анкетен прашалник, барајќи од нив да заокружат кој им е најголемиот страв, а меѓу најчестите одговори биле стравот од прекин на дишењето, удар од автомобил или бомба. Но кога им дале вербално да се изразат и самите да одберат кој им е најголемиот страв – мнозинството одговорило дека тоа е стравот од пајаци.
Ова не е толку изненадувачки, но се чини, дека теоријата на Мурис е точна и дека сепак, постои врска помеѓу стравот и некој настан од минатото.
