Илјадници стручни текстови, интервјуа на медицински домашни, но и странски експерти, преку милион прегледи и посети се факт со кои денес, на одбележување на една година од постоење, може гордо да се пофали првиот стручен медицински портал во Македонија, PANACEA.MK.
“PANACEA.MK e единствен регионален медицински портал кој ја зближува медицината базирана на докази и сите оние кои се заинтересирани да ја прочитаат. Ова е портал кој е најчитан во регионот кога станува збор за сите области во медицината. Медиум отворен за соработка со сите лекари од Македонија, но и од регионот и пошироко кој сака да воведе квалитет и знаење кое е потребно за третман на сите заболувања“, нагласи стручниот главен и одговорен уредник на PANACEA.MK, доц. д-р Александар Сајковски.
По повод една година од постоење на порталот, беа доделени и златни пеперутки за најчитан текст, за новинарот на најчитаниот текст, како и за поддржувачите на медицинскиот портал.
Најчитан текст на PANACEA.MK за 365 дена е интервјуто на новинарката Катерина Шекеровска – Димовска со проф. д-р Митко Караѓозов “Карциномот на дојка главно е испровоциран од хормоните од јајниците“.
Златна пеперутка му беше доделена и на Ацо Степановски, директор на Евофарма – Претставништво Скопје, за безрезервната подршка на PANACEA.MK од првиот ден на постоење.
