Покрај редовните контроли и вежбањето, здравата исхрана е значаен дел од зачувувањето на здравјето на луѓето кои живеат со мултипла склероза. Тема на денешниот разговор во новото издание на подкастот Панацеа.мк за Националното здружение за помош и поддршка на лицата со мултипла склероза е „Здрава исхрана при МС“, а наша гостинка е Цвета Динева, сертифициран нутриционист консултант и автор на Прирачникот за здрава исхрана при МС.
„Дека исхраната дава огромен придонес на она што сме ние е кажано уште од пред Христа. Хипократ рекол: Нека храната ви биде лек и лек нека ви биде вашата храна. Постојат и други мисли од умни луѓе што истражувале, се бавеле со наука иако немале висока технологија на располагање и рекле вака: Јас сум денес тоа што јадев вчера. Утре ќе бидам она што јадам денес“, вели Динева во подкастот.
Целото интервју со Цвета Динева, сертифициран нутриционист консултант може да го погледнете тука на порталот Панацеа.мк или на нашиот Youtube канал.
