Часови не делат од завршувањето на оваа, предизвикувачка година. Намерно нема да ја наречам проблематична, оти одамна сфатив дека проблемите се само предизвици кои треба да не натераат нешто да промениме, да увидиме и да прифатиме. Иако тешка и необична, еве ја ќе заврши. Со сите искушенија што ни го донесе, верувам дека дека во новата 2021 ќе влеземе помудри, поемотивни, посвесни дека некогаш секунди, а не минути можат да ни го променат текот на живеење. Посвесни дека треба да го цениме она што го имаме, да уживаме во слободата, во семејството, пријателите, па и работата, но и во можноста да дишеме и да сме здрави.
На најтешкиот начин можеби ни стана јасно дека нема одење напред без да се погледнеме себе си. Без да ја отвориме душата и срцето не само за најблиските, туку за сите луѓе, оти на крајот на денот сите ние сме едно. Една љубов, една тага, една радост…
ПАНАЦЕА на најпрофесионален начин, како и сите претходни години, беше тука да ве информира низ интервјуа и стручни текстови на лекарите и стручните лица за вашето здравје, најбрзо да ви ги донесе најновите информации и сознанија за пандемијата и правилно да ви укаже што е најдобро за вашето здравје.
Гласно зборувавме и за менталните состојби што ни ги донесе пандемијата, но и за оние со кои допрва ќе треба да се погледнеме очи во очи.
Нема да биде лесно, имаме уште пат заедно да изодиме, но заеднички можеме се!
ПАНАЦЕА е ваш верен партнер, а вие читателите наш најголем двигател за одлично здравје на сите.
Ви посакувам радосни и среќни новогодишни и божикни празници! Чувајте се себе си, чувајте ги најмилите и знајте дека и ова ќе помине, а трпението е одлика на мудрите.
Секое добро, бидете живи и здрави.
