Колку луѓе всушност се заразени од новиот коронавирус? Статистики стигаат од градови и земји ширум светот, а бројките многу се разликуваат. Некои велат дека имаат помалку од еден процент на заразени, други пај тврдат дека вирусот зафатил повеќе од половина од населението.
- Пријавувањето на случаи на коронавирус драстично варира во целиот свет. Тим Расел и неговите колеги од Школата за хигиена и тропска медицина во Лондон процениле дека од 15. јуни се пријавени повеќе од 95 проценти на симптоматски случаи во некои земји, вклучувајќи ја Гана, Казахстан, Мароко и Оман.
- Од друга страна се проценува дека во САД се пријавени замо 35 проценти од симптоматски случаи, а таа бројка е уште пониска во некои земји. Се претпоставува дека Велика Британија пријавила само 14 проценти, Шведска околу 19%, а Јемен само три проценти од случаевите.
Овие статистики не го одразуваат бројот на случаи без симптоми, а токму таквите случаи може да опфаќаат помеѓу една четвртина и една половина од сите коронавирусни инфекции.
Што е преваленција или преваленца
Преваленција е статистички поим со кој во епидемиологијата се изразува вкупниот број на заболени во рамките на некоја популација во даден временски момент, во однос на целата популација, без оглед на тоа кога конкретната болест се појавила.
Постојат два главни пристапи на проценката на преваленцата. Истражувачите би тестирале примерок од некоја популација и директно би пријавувале бројки или би користеле математички модели.
Многу модели се држеле до случајот на крузерот Дајмонд Принцес, на кој по избивање на заразата, на вирусот беа тестирани повеќето од 3711 патници и членови на екипажот. Од нив, заразени биле 712, а 13 лица починале. Расел и неговите колеги го користеле овој и други извори, како податоците од Европскиот центар за превенција и контрола на болести, за да предвидат колку луѓе се заразени со коронавирусот во разни земји. Со оглед дека квалитетот и количината на тестирања ширум светот се недоследни, точната слика било невозможно да се добие.
Екипата на Хенрика Саљеа од Универзитетот Кембриџ моделирала ситуација во Франција. Тие ги користеле податоците од крузерот, но од болничките картони, а празнините ги пополнувале со проценки за бројот на заболени на кои не им била потребна хоспитализација.
Добиените бројки во голем процент се поклопувале со резултатите добиени од директни тестови на антитела. Досега тестовите на антитела во Шпанија, Италија и во Англија го зголемија уделот на заразени помеѓу два и пет проценти, со поголема преваленца во густо населените градови како Лондон и Мадрид.
ПОДАТОЦИ ОД СИТЕ СТРАНИ
Во мај, Никлас Боровиц од Универзитетот во Торонто во Канада, собра тим на научници од шест земји, со цел да ги спореди податоците од крвните тестови и да го одредат процентот на заразени популации во светот.
Многу регионални бројки потекнуваат од нерецензирани студии, некои ги собирале јавните здравствени тела, а некои приватни организации. Собрани биле податоци од повеќе од 100 извори, а и пристигнуваат и понатаму. Но, бројките варираат, и тоа помеѓу 0,4 и дури 59 проценти, вели Боровиц.
Додека некои истражувачи го следеа нивото на антитела кај општата популација, многумина се фокусираа на групи кои се полсени за проучување, како здравствени работници и крводарители. Повеќето од досега оценетите студии, биле помалку или повеќе несигурни и пристрасни.
КОЛЕКТИВЕН ИМУНИТЕТ
Едно сепак е јасно: дури ни земјите со висока преваленција не се ни близу потребното ниво, за да се постигне колективен имунитет и така да се стопира ширењето на заразата. За тоа да се постигне, имунитет би требало да стекне 70 проценти од популацијата.
“Тестовите кои даваат лажно негативни и негативни резултати може да дадат погрешна проценка за она што се случува. Но, кога ја знаеме стапката на лажни резултати, може да дознаеме и колку луѓе биле заразени“, велат научниците. А, да се знае колку луѓе се заразени, додаваат експертите, би помогнало во планирање на следните потези.
