Првите симптоми се црвени и отечени непца кои крвават за време на миењето заби, како и лошиот здив. Иако најпрво почнува како мал проблем може да се развие во акутна состојба во која може да се јави повлекување на непцата, клатење, па дури и испаѓање на забите.
Што е пародонтопатија и што влијае на нејзината појава?
На пародонтопатијата влијаат, пред се, денталниот плак и забниот каменец. Денталниот плак е безбојна и леплива маса која се насобира на забите главно како последица на остатоците од храна. Составен дел на денталниот плак се и бактериите, кои го покренуваат имунолошкиот систем на човекот во одбрана и во таа интеракција најпрво доаѓа до воспаление на непцата, потоа губење на коските, појава на парадентални чепови, а подоцна и потполно разорување на параденталното ткиво и испаѓање на забите. Денталниот плак претставува енормна опасност за непцата. Значи, забниот каменец настанува откако денталниот плак ќе дојде во контакт со солите и минералите од плунката. Дејството на каменецот врз непцата е негативно. Тој создава места на кои почнува дополнително таложење на плакот, кој потоа е тешко да се отстрани. Исто така, каменецот може да врши и механички притисок на гингивата, што ќе влијае на појавата на парадентоза.
Но плакот и каменецот не се единствени кои влијаат на појавата на оваа акутна состојба на непцата. Пародонтопатијата побрзо се развива заради:
- Пушење;
- Неправилна и нередовна орална хигиена;
- Некое системско заболување;
- Аномалии на обликот и положбата на забите;
- Генетика и сл.
Стадиуми на парадентоза
Оваа болест има четири стадиуми:
- Првиот претставува воспаление на непцата. Иако воспалението е посебно заболување, тоа претставува најава за парадентоза.
- Вториот стадиум е проследен со слични симптоми како и воспалението на непцата, но она што укажува на тоа дека состојбата станала акутна и дека воспалението прераснало во пародонтопатија е зачестената појава на споменатите симптоми, појава на парадентални џебови, како и појава на чувство на трнење и печење на непцата.
- На третиот стадиум укажува повлекувањето на непцата. Овој симптом е јасно воочлив, со оглед на тоа дека непцата се повлекуваат оставајќи го коренот на забот соголен. На тој начин самиот заб е поизложен и поподложен на инфекции, со оглед дека коренот е почувствителен во однос на самиот заб.
- Четвртиот стадиум е крајниот стадиум на ова заболување. Виличната коска во голема мера се повлекува, а забот испаѓа.
