Новите студии покажуваат дека пушењето на електронските цигари може да го оштети имуниот систем. Научниците откриле дека испарувањето од електронската цигара може да го ја оневозможи работата на важни клетки во белите дробови и да го зголеми ризикот од иинфламација. Тие „предупредуваат на широко прифатеното мислење дека електронските цигари се безбедни по здравјето.“
Заводот за јавно здравје на Англија советува дека овој тип на цигари се помалку штетени од обичните, но дека луѓето треба да ги користат само како помош за одвикнување од пушење.
Сите претходни, за разлика од оваа студија под водство на проф. Дејвид Тикет од Универзитетот Бирминген, биле насочени на хемиските компоненти на течноста на електронската цигара, а не на пареата. Истражувачите изработиле механичка процедура за имитирање на пареата во лабораторија, користејќи примероци на белодробно ткиво на осум непушачи. Студијата покажала дека испарувањето предизвикува воспаленија на клетките кои ги отстрануваат потенцијално штетните честички прашина, бактерии и алергени. Истражувачите велат дека некои ефекти биле како и кај обичните цигари и лицата со хронични белодробни болести.
Тие предупредуваат дека станува збор за резултати во лабораториски услови и советуваат понатамошни истражувања кои се потребни за подобро разбирање на долгорочното влијание на здравјето – промените се забележани само по 48 часа.
Во извештајот е заклучено дека постојат „огромни докази“ дека електронските цигари сепак се побезбедни од обичните со многу помал ризик за пасивните пушачи. Во тој извештај е препорачано и да се издаваат на рецепт поради тоа што се успешна помош при одвикнување од пушење.
Сепак, проф. Тикет вели дека иако електронските цигари се побезбедни од класичните, тие може да бидат штетни на подолги патеки.
„Електронските цигари се побезбедни кога зборуваме за ризиците за заболување од рак, но ако 20 или 30 години користите електронска цигара и тоа може да предизвика хронична опструктивна болест на белите дробови, тогаш тоа е нешто што треба сите да го знаат. Затоа не мислам дека електронските цигари се поштетени од обичните, но треба да бидеме претпазливи во тврдењата дека тие се безбедни“, појаснува проф. Тикет.
