Пареза фацијалис (парализа на лицевиот нерв) предизвикува слабост во мускулите на лицето, при што образите изгледаат спуштено. Парализа на лицето може да се појави на секоја возраст, а точниот причинител никогаш не е познат. Се верува дека состојбата може да се појави поради воспаление на нервите кои ги контролираат мускулите,при што доаѓа до отоци, а може да се појави и по вирусна инфекција. Во поголем број случаи, парализата на лицето е минлива, а симптомите по лекувањето се намалуваат за неколку недели, додека за целосно опоравување потребно е половина година. Само мал број од заболените после лекувањето имаат некои симптоми од оваа болест. Многу ретко парализата се повторува.
Вируси кои се поврзани со парализа на лицето се многубројни: респираторни болести, генитален херпес и чир, инфекции предизвикани од цитомегаловирус, грип, рубеола и заушки. При појавата на парализа на лицето, која се појавува како последица од вирусни инфекции, доаѓа до воспаление на нервите кои ги контролираат мускулите, а како последица влијае на чувството за вкус и на контролирање на плунката и солзите.
Симптомите за оваа болест се појавуваат наеднаш, а најчесто се препознаваат по зголемо чувство на звук, главоболка, промени во излачувањето на плунката и солзите, болки околу вилицата и позади ушите, опуштено лице, тешкотии при контролирањето на мускулите, намалена способност на чувството за вкус, како и по влијанието на нервите од двете страни на лицето.
