Можноста возрасни непушачи да починат од последица на тешки белодробни болести е поголема доколку растеле со родители кои биле пушачи, покажува резултатот од најновото истражување на Американското здружение за борба против ракот. Според истражувањата пасивното пушење во детството „резултира со смрт на седум од 100 000 возрасни непушачи годишно.“
Студијата била спроведена кај 70 090 возрасни непушачи. Стручњаците велат дека најдобар начин да се заштити детето од лошите последици на димот е, секако, родителите да престанат да пушат. Кога испитаниците во истражувањето во текот на растењето живееле само со еден пушач, постоеле и други последици по здравјето, докажала американската студија.
Испитаниците одговарале на прашалник за изложеноста на димот од пушењето од најраниот период, а потоа нивната здравствена состојба била следена во наредните 22 години.
Изложеноста на димот од цигари во текот на 10 или повеќе часа недечено го зголемува ризикот од смртност од исхемични болести на срцето за 27 %, од мозочен удар за 23 %, додека од хронична опструктивна белодробна болест ХОББ за 42 % во однос на лица кои живееле со непушачи.
Резултатите од студијата се објавени со списанието American Journal of Preventive Medicine.
