Во периодот на постите, рибата е една од главните намирници на трпезата. Освен што е здрава и вкусна, може да се подготви на безброј начини, рибата спаѓа во лесна храна, многу пријатна за дигестивниот систем.
Без разлика дали сте љубители на слатководна или морска риба или други морски плодови, сите се одликуваат со богатство на хранливи состојки, пред сѐ витамини, минерали и аминокиселини.
Туна
Исклучително е богата со селен и витамин А, кои играат важна улога во борбата со слободните радикали и го забавуваат процесот на стареење.
Ослич
Оваа риба има мала енергетска вредност и спаѓа во диеталните риби, 100 грама ослич содржи 80 отсто вода, 0,85 грама масти и 17 грама белковини. Богат е со витамини Б 1 и Б2, калиум, калциум и фосфор, а позитивно влијае на коските и работата на мозокот.
Сардина
Содржи магнезиум и триптофан, кои благотворно делуваат на нервниот систем и го подобруваат расположението. Богата е со протеини, омега 3 масни киселини и калиум.
Пастрмка
Оваа риба се препорачува за дијабетичарите и лицата со висок крвен притисок. Пастрмката е нискокалорична и содржи малку натрум, па штити од кардиоваскуларни тегоби.
Крап
Спаѓа во масните риби, богат е со белковини, омега 3 масни киселини, витамин А, Д и Е. Ги ублажува тегобите на крвните садови и псоријазата
Лигни
Изобилуваат со калциум, па корисни се за коските, косата и забите. Особено им се препорачуваат на децата и на оние кои не сакаат млечни производи
