Многу истражувања укажуваат дека болката, сонот и проблемите со расположението имаат тенденција да се јавуваат заедно, кај луѓето со остеоартритис. Оваа комбинација на непријатни симптоми може да предизвика доста проблеми во вашиот секојдневен живот, и да го забрзаат одењето на лекар. Болката е главен фактот кој го означува почетокот или едноставно состојбата на остеоартритис, според онлајн студијата на страницата Artritis Care & Research. Освен болката, несоницата и депресијата, исто така, довеле до тоа луѓето кои живеат со остеоартритис побрзо да појдат на лекар. Во студијата во која учествувале 2976 луѓе половина од учесниците имале најмалку еден од овие три симптоми: болка, несоница и депресија. Приближно 34 отсто од пациентите се соочиле со несоница, додека 29 отсто имале депресија, покрај умерената до силна болка.
Остеоартритис, несоница и депресија
Студијата покажала дека меѓу пациентите со остеоартритис околу 47 проценти изјавиле дека имаат умерена до силна болка, 17% несоница и 21% клиничка депресија. Дотолку повеќе околу 13 % имале истовремено умерена до силна болка и несоница, а 13 % покажале истовремено умерено силна болка и клиничка депресија.
Постои врска меѓу болката, несоницата и варирањето на расположението, но не секогаш
Одделни сегмети од истражувањето откриле изненадувачки резултати. Општо е познато дека болките кај остеоартритис, несоница и депресија меѓусебно делуваат и дека еден симптом може да влоши друг. Со оглед на овие сложени интеракции, очекувано би било некои синергитистички ефекти да постојат кај пациентите со остеоартритис. Студијата меѓутоа не открила такви синергистички ефекти, што било изненадувачко, но добро од перспектива на пациентите.
Остеоартритисот претставува чест проблем
Остеоартритисот се смета за најчесто заболување на зглобовите, но преваленцијата на состојбата малку варира од една до друга студија. Според истражувањата објавени во магазинот Artritis & Rheumatism, речиси 27 милиони возрасни само во САД имаат дијагноза – клинички остеоартритис. Студијата е објавена во август 2015 година во магазинот Arthritis Care & Research, а проценила дека дури 30,8 % возрасни Американци (13,5 % од возрасната популација) имале остеоартритис меѓу 2008 и 2011 година.
Остеоартритисот е мошне честа појава кај постарите личности, обично следен со хронична болка што е вознемирувачко за пациентите затоа што таа може да ги огранични секојдневните активности.
Бидете проактивни во спречувањето на симптомите на остеоартритис
Резултатите од овие и разни други истражувања можат да помогнат во информирањето на пациентите со остеоартритис. Со оваа знаење пациентите можат да бидат свесни дека болката кај остеоартритиспот често може да се јавува со несоница и промени во располжението, така што проактивно може да се бара соодветен третман.
Разговарајте со својот доктор за лекувањето за да си ги олесните симптомите на остеоартритис
Добра вест е дека потешкотиите при спиење, несоницата, како и депресијата, промените во расположението се проблеми кои можат да се лекуваат. Слободно побарајте ја сета потребна помош во врска со депресијата или промените на расположението. Достапни се многу ефикасни терапии и за депресија, и за здрав сон и одмор, како и природни препарати кај сите симптоми на остеоартритис.
