Факт е дека се повеќе луѓе патат од некој облик на несоница. Да се исчисти умот од секојдневните грижи и обврски е се потешко, особено во сегашниот, прилично забрзан начин на живот. Се повеќе пациенти се жалат на недостаток или неквалитетен сон. Научниците тврдат дека тоа всушност се должи на миксот од неврохемикалии кои буквално ги опседнуваат нашето тело и ум, предизвикувајќи одредени реакции и промени на расположението во текот на целиот ден. Исто така, тие хемикалии го одредуваат квалитетот на нашиот сон. Мелатонинот т.е. хормонот кој го произведува хипофизата, има најголемо влијание врз квалитетот на нашиот сон. Неговата улога е да ги регулира другите хормони и нашиот внатрешен часовник. Кога е ноќ телото произведува повеќе мелатонин, а во текот на денот го произведува значително помалку.
Клучот на се, тврдат научниците, е да се фати бранот на мелатонин кој во одреден период од денот поминува низ нашето тело. Доколку го пропуштиме мошне веројатно е дека ќе имаме лош и неквалитетен сон. Од сето ова заклучуваме дека изложеноста на светлина во текот на ноќта, без разлика дали се екрани, светилки и сл. може да ја пореметат нормалната продукција на овој хормон.
Научниците, исто така, носат и неколку корисни совети како да се фати тој бран на мелатонин:
- Пред да си легнете седнете на самиот раб од креветот, затворете ги очите и отпуштете ги сите мисли кои ви биле на памет тој ден – така го опуштате мозокот и му давате можност побрзо и поприродно да се „стави“ на пониски фреквенции кои придонесуваат за квалитетен сон;
- Легнете на грб, концентрирајте се само на своето дишење и попатно опуштајте си го телото. Исфрлете ги сите мисли од главата, заборавете на сите деловни проблеми и кои било настани кои ви „шетаат“ по нервите;
- Одбегнувајте пред спиење да се дружите со лаптоп, телефон или телевизор, и тоа најмалку 60 минути пред одење в кревет. Сите овие уреди кон нас испуштаат огромни количества т.н. сини зраци кои го нарушуваат природното производство на одредени хемикалии во телото;
- Пред спиење правете ги само оние работи кои нема да ве оптоварат. Мијте садови, избришете прашина или едноставно прочитајте неколку страници од некоја книга;
- Вашата соба треба да биде уредна, секогаш да има константен доток на свеж воздух и што е можно помалку извори на вештачка светлина.
Заклучок: Модерниот начин на живот се повеќе го загрозува нашиот сон, па со само тоа тоа го загрозува квалитетот на нашиот живот. Ако смениме одредени навики, можеме значително да го подобриме квалитетот на животот.
