Пациентите кои се на дијализа и чекаат трансплантација на бубрег можат да примат бубрег од донор, кој е заразен со вирусот на хепатитис Ц (ХЦВ), покажала новата студија, спроведена од „University of Pennsylvania“. Инаку, во светот постои огромен недостаток на бубрези за трансплантација.
Новите, помалку токсични терапии за хепатитис Ц, ја отворија вратата за трансплантација на бубрег од лица инфицирани со хепатитис Ц.
Во рамки на новото истражување, 20 пациенти добиле бубрег од лице, заразено со хепатитис Ц, а потоа и терапија за хепатитис Ц. Стапката на излекување изнесувала 100 проценти!
Се верува дека со трансплантацијата на заразени бубрези и терапијата против хепатитис Ц може да се заштедат значителни финансиски средства, со оглед на тоа што дијализата на еден пациент чини повеќе од 88 000 долари годишно.
Иако некои пациенти не сакаат да добијат бубрег од лице заразено со хепатитис Ц, за други е можеби добар избор, со оглед на високите стапки на смртност на пациенти на дијализа, кои чекаат трансплантација на бубрег, пишува „Annals of Internal Medicine“.
