Тврдењето дека свежото овошје и зеленчук е поздраво од вареното, не се однесува кога станува збор за пченката. Американски истражувачи откриле дека при термичката обработка на пченката, варење или печење, доаѓа до ослободување на молекулот со антиоксидативна активност, што ја зголемува неговата заштитна моќ. Еден кочан содржи околу 10 % диетални влакна кои го регулираат нивото на холестеролот и го намалува ризикот од срцевите заболувања.
Како и останатото жолто и зелено овошје и зеленчук, пченката е одличен извор на лутеин и зеаксантин, соединеија кои помагаат во одржување на здравјето на очите во текот на годините, особено по 50-тата.
Нутритивни вредности на пченката: јаглехидрати – 82 %, масти – 10 %, белковини – 8 %.
Пченката е богата со влакна и од неа се произведува масло со висок квалитет кое е богато со витамин А, Ц и Е како и со незаситени масни киселини. Пченкарното масло се препорачува кај прогресивна атеросклероза бидејќи го намалува нивото на холестерол. Според нутриционистите доволно е секој ден да консумираме 20 г пченка, варена или печена како дел од редовната исхрана. Освен тоа, пченката, односно пуканките се сметаат за најздрави грицки, така што наместо како оброк пченката може да послужи и како ужина или замена за вечера. Иако во пченката можеме да уживаме во текот на целата година, онаа која се јаде со почетокот на есента содржи најмногу хранливи материи.
Пченката и производите кои се добиваат од неа, во форма на брашно, масло и други додатоци позитивно влијаат на здравјето кога станува збор за Алцхајмеровата болест, анемијата, бронхитис, депресија, дијабетес, пореметување на метаболизмот, неплодност, остеопороза, реума, намален апетит, заболување на срцето, проблеми со мочниот меур, мочните канали и бубрезите.
