Неодамнешно истражување, објавен на Пен стејт универзитетот, открило дека печурките содржат изненадувачки големи количини на антиоксиданти кои може да допринесат за општото здравје и да го ублажат последиците од стареењето.
Печурките содржат голема количина ерготионеин и глутатион, кој се многу важни антиоксиданти. Иако количината на овие антиоксиданти, во зависност од видот на печурката, се разликува, сепак печурките претставуваат најдобар прехрамбен извор на комбинација од овие два антиоксиданти.
Нашиот организам произведува енергија консумирајќи храна, но тоа исто така доведува и до оксидативен стрес и создавање на слободни радикали, нестабилни молекули кои може да ги оштетат клетките и да допринесат за предвремно стареење и развој на болести.
Оксидативниот стрес и слободните радикали се поврзани со многу дегенеративни заболувања поврзани со стареењето, како што се заболувања на коронарните артерии и срцето, Алцхајмерова болест, па дури и рак.
Нашиот организам има механизми за контрола на тие слободни радикали, а ерготионеинот и глутатионот се важни компоненти на тие механизми, објасниле истражувачите. Интересно е, исто така да се напомене и дека глутатионот се поврзува со ефикасно функционирање на имуниот систем.
Што се однесува до разните видови печурки, се покажало дека најмногу ерготианин и глутатион содржат лисичарките, додека останатите видови содржат помалку – но во споредба со останатите намирници, печурките сепак се најбогат извор. А најдобро е тоа што овие антиодсиданти се стабилни и на високи температури и не се губат при подготовка на печурките.
