– Во Новата година бидете поактивни – вежбањето не само што е важно за физичкото здравје, туку е и битен фактор за добро ментално здравје. Само еден час вежбање неделно позитивно ќе влијае на расположението, ќе ја подобри концентрацијата и ќе ви помогне да излезете на крај со заморот.
– Јадете повеќе овошје и зеленчук – едноставно вклучете неколку дополнителни порции овошје и зеленчук во вообичаената исхрана. Едно истражување покажало дека оваа промена за само две недели позитивно ќе се одрази на расположението и нивото на енергија.
– Потрудете се секоја ноќ да отспиете барем 7 часа – сонот е од клучна важност за опоравување на мозокот и телото воопшто, за консолидација на памтењето и добро расположение.
– Практикувајте благодарност – фокусирајте се на позитивните работи во животот и на крајот од секој ден запишете 3 работи заради кои сте благодарни. Оваа навика позитивно се одразува на односот кон себе, како и кон другите луѓе, поволно делува на расположението, ја подобрува самодовербата и квалитетот на сон.
– Поминувајте повеќе време во природа – повеќе истражувања покажале дека присуството на зеленило во опкружувањето го намалува ризикот од анксиозност, депресија и стрес. Доколку не живеете во близина на паркови и шуми, потрудете се барем што е можно почесто да шетате во природа.
