Бадемите се најздрави грицки и токму ова овошје ќе ви го препорачаат повеќето нутриционисти и поборници на здравата исхрана. Ако се уште се сомневате во благотворните дејства, еве пет научно докажани причини зошто бадемите се фантастични!
За помалку сало на стомакот! Дали знаете дека сантиметрите околу половината се всушност показател колку здравјето ви е загрозено? Не само што изгледа грдо, туку е и опасно. Одделни американски истражувања покажале дека личностите со зголемен холестерол кој јаделе околу 40 г бадеми на ден во периодот од шест недели го намалиле обемот на половината.
За намалување холестерол! Личностите кои јаделе бадеми имале за 44 отсто помали шанси дека ќе им порасне нивото на т.н. лош холестерол, тврди истражувањето спроведено на Унивезитетот во Лузијана направено врз повеќе од 24 илјади личности.
За контрола на прејадувањето! Редовното грицкање бадеми го регулира нивото на шеќер во крвта, како и апетитот.
За спречување воспаленија! Понова кинеска студија спроведена врз личности со дијабетес тип 2, а кои секојдневно консумирале по 40 г бадеми, покажала подобрување на здравјето по три месеци „тури со бадеми“.
За здрава бременост! Трудниците кои сакаат да добијат оптимален број килограми и да одбегнат дебелина, висок притисок и останати тегоби би требало секојдневно да грицкаат бадеми!
Покрај наведеното, важно е да се знае и дека бадемот е преполн со хранливи материи како витамин Е, протеини, влакна и калциум. Исто така, тие ќе ви помогнат и да останете полни со енергија, но и се одлични како храна за мозокот.
