Општо е познато дека грижата за здравјето е важен предуслов за долг живот. Сепак, многу луѓе имаат дилема околу тоа што точно треба да преземат. Неодамнешна студија на Универзитетот Харвард издвоила пет навики кои навистина може да го продолжат животот за 10 или повеќе години.
Најновата студија спроведена е со тридецениско истражување на здравствени податоци на 44 354 мажи и 78 865 жени. Научниците проучувале како неколку здрави навики би влијаеле на должината на животот. Студијата покажала дека во случај на практикување на овие пет навики, животот на жената би бил во просек подолг за 43 години, додека животот на мажите би се продолжил за 38 години.
Според научниците, советите за стекнување на пет здрави навики се:
Не пушете цигари
Според Заводот за контрола и превенција на болести во САД пушењето цигари е примарен причинител кај превентивните болести и смртност во САД, кое годишно одзема 480 000 човечки животи.
Не претерувајте со алкохолот
Прекумерната консумација на алкохол воопшто не е добра за здравјето. Според стручњаците, таа доведува не само до сериозни и очигледни здравствени проблеми како рак или срцеви болести, туку и до проблеми како што се сообраќајни несреќи, насилство и ризично однесување. Стручњаците советуваат дека консумирањето на алкохол треба да се сведе на два пијалаци дневно за мажи и еден пијалак дневно за жени. Треба да се избегнува прекумерна консумација на алкохол во кратки временски периоди (на пример, претерана консумација на алкохол за време на неколку дневни празници). Сепак, научниците не советуваат комплетно воздржување од алкохол. Истражувањата покажуваат дека умерената консумација е поздрав избор од целосната апстиненција.
Водете сметка за телесната тежина
Стручњаците препорачуваат одржување на индексот на телесната маса во вредности помеѓу 18,5 и 24,9. Индексот на телесната маса се пресметува со делење на вашата тежина со висината. Иако индексот на телесната маса важи помалку за застарена метода која често пружа недоволно прецизни резултати, научниците секогаш ја користат. Добриот индекс на телесната маса значи помал ризик од срцеви болести, инфаркт, дијабетес, висок крвен притисок и карцином.
Хранете се здраво
Балансираната исхрана полна со витамини и минерали ќе ви помогне да ги добиете потребните хранливи состојки без штетни последици по индексот на телесната маса. Многумина се прашуваат што е балансирана исхрана. Иако препораките за здрава исхрана често се менуваат, медицинските стручњаци се согласуваат околу едно: консумирајте интергрални житарки, овошје, зеленчук, млечни производи и месо со низок процент на масти. Истовремено треба да се огранични внесот на сол и на шеќер.
Бидете физички активни најмалку половина час дневно
Според Заводот за контрола и превенција на болести на САД, возрасните лица кои се физички активни имаат помали шанси да добијат многу хронични болести. Лекарите советуваат дека умерената физичка активност која вклучува брза прошетка во траење од 150 минути неделно и вежби за јакнење на мускулите како дигање тегови, можат во голема мера да ги подмаладат клетките што автоматски значи и подолг живот.
