Секојдневно сме бомбардирани со нови информации за исхраната и нејзиното влијание на нашиот организам. Меѓу тие информации има и многу заблуди, а ова се оние за кои стручњаците сметаат дека се најголеми.
Јаглехидратите се причина за дебелина
Јаглехидратите не поттикнуваат дебелина. Тие се неопходни за здраво функционирање на целиот организам, особено на мозокот. Нискиот внес на јаглехидрати може да предизвика пореметување при лачењето на хормонот серотонин и појава на депресија.
Намирниците богати со масти не се здрави
Мастите имаат многу важна функција во организмот и се неопходни за одржување на здравјето. Влијаат на апсорпција на витамините А, Д, Е и К. Мастите ја одржуваат здрава кожата, косата и ноктите. Потоа влијаат при продукција на многу хормони, така што делуваат при регулирање на расположението и спречуваат депресија. Го успоруваат варењето на храната, така што подолго време се чувствуваме сити. Масната риба е богата со омега-3 масни киселини, кои се неопходни за здравјето на организмот. Кога ќе го додадеме фактот дека омега-3 масните киселини мора да се внесуваат исклучиво преку исхраната, нема сомнеж дека храната што содржи масти е здрава.
Правилната исхрана подразбира внес на маснотии од околу 30 % од вкупниот внес на хранливи материи
Солта треба да се ограничи на минимум
Солта има доста функции во нашето тело. Влијае во одржувањето на крвниот притисок и задржувањето на течности во организмот. Недоволно сол во организмот доведува до ниско ниво на натриум, при што доведува до низок крвен притисок, отежнато потење и ладење на телото. Недостатокот на сол може да предизвика прилично непријатни симптоми, на прво место вртоглавица, исцрпеност и поспаност. Значи, солта треба да се ограничи на минимум во исхраната само кај лица кои страдаат од висок крвен притисок, но сепак не треба целосно да се исклучи од исхраната.
Шеќерот предизвикува дијабетес
Шеќерот не предизвикува дијабетес. Доколку веќе боледувате од дијабетес, мора да внимавате околу количината на јаглехидрати и шеќер. Но, ако немате дијабетес, внесот на шеќер, без оглед на количината – нема да влијае во појавата на оваа болест. Сепак треба да се внимава, бидејќи претераното консумирање шеќер може да доведе до дебелина и појава на забен кариес.
Јадење после 19 часот доведува до дебелеење
Не е толку важно кога јадеме, многу е поважно колку и што јадеме преку целиот ден, како и колку се движиме. Правилото дека не треба ништо да јадеме по 19 часот може да важи за лицата кои порано легнуваат. За оние кои се будни до доцна во ноќта, ова правило не важи. Значи, не треба строго да се гледа на часовник кога е време за вечера, туку да се води сметка за тоа на организмот да му се обезбеди доволно енергија за време на актвностите. Секако, дека не треба да се оди во кревет со полн стомак, па тоа да е и појадок. Доколку јадеме онолку колку што ни е потребно, а не повеќе, нема да се здебелиме, без оглед на тоа во кој период од денот јадеме.
