Во морето на производи за нега на кожата, понекогап навистина е исцрпувачко да се пронајде онаа крема која во целост одговара на типот на кожата. Неретко, по препорака на пријателките избираме некоја крема за која се надеваме дека ќе направи чудо од нашата кожа, но таа едноставно не го прави тоа. Постојат неколку јасни знаци дека моментално користите крема која не ви годи, а ако воочите барем еден од нив, време е за нов производ.
Мирисот на кремата е многу интензивен
Иако на прв поглед изгледа дека мирисот на кремата никому не е важен, ако мирисот е многу силен, тоа може да значи дека кремата е полна со хемикалии кои треба д аги избегнувате, особено ако имате чусвтвителна кожа, подложна на иритација и лупење.
Непријатно чувство на лицето
Доколку по нанесувањето на кремата почувствувате пецкање или јадеж, веднаш измијте го производот од кожата на лицето, за да спречите иритација. Ако сте во можност да пробате тестер пред да се одлучите за некоја крема, задолжително направете го тоа и тоа на подрачјето на вратот.
Изненадна појава на акни
Ако по користењето на кремата се појави проблем со акни или митисери, најверојатно кремата што ја користите е претешка за вашата кожа и може да ви ги запуши порите. Побарајте полесна крема која не ги запушува порите.
Недоволна хидратација
Ако имате сува кожа, потребна ви е навистина хидратантна крема. Кремите кои во својата структура имаат поголем процент на вода се идеални за лица со масна кожа, додека вистински избор за оние со сува кожа се креми на база на масла и хијалуронска киселина.
Не ви одговара на секој дел од лицето
Повеќето луѓе имаат мешан тип на кожа, што значи дека кожата на некои делови од лицето е сува, а на некои масна или нормална. Ако и вие имате ваков тип на кожа, нормално е дека една крема нема да ви одговара за сите делови на лицето подеднакво, па најдобро е истовремено да комбинирате две креми.
