![ХОЛЕСТЕРОЛ](https://panacea.mk/wp-content/uploads/2019/11/HOLESTEROL-696x297.jpg)
Главна причина за заболувања и смртност од кардиоваскуларни болести во поголем дел од светската популација е атеросклерозата, а денес се знае дека таа не е дегенеративна болест, туку состојба на засилен оксидациски стрес, поради маснотии наталожени во ѕидовите на крвните садови.
Во артериите се таложат масни наслаги – плакови, кои го ограничуваат дотокот на крв во срцевиот мускул. Деталите за тие комплексни случувања не се се уште во целост расветлени и често се причина за разни контраверзни ставови за значењето на холестеролот во нив. Холестеролот е многу важен дел од сите клеточни мембрани во телото и се произведува во црниот дроб, а помал дел се внесува со храна.
Високиот холестерол е предизвикан од исхраната
Црниот дроб го создава целиот холестерол кој му е потребен на организмот, но со оглед дека холестерол се наоѓа во сите производи од животинско потекло, го внесуваме во организмот преку нив. Но, сепак, пресудна е генетиката. Имено, лице кое е генетски предиспонирани за тегоби со холестерол, исхрана богата со заситени масти е главната причина за високото ниво на холестерол во крвта.
Децата не може да имаат висок холестерол
Истражувања покажале дека стеснувањето на артериите, кое води до болест на срцето, може да се појави уште на возраст од осум години. Посебно е голем ризикот кај деца кои имаат генетска предиспозиција за висок холестерол и болести на срцето.
Храната е здрава ако има нула холестерол
Холестеролот во намирниците е само еден од факторите кои може да предизвикаат прекумерно ниво на холестерол во крвта. Заситените масти кои се наоѓаат во намирниците од животинско потекло и млечните производи, имаат значајно поголемо влијание на зголеменото ниво на холестерол.
Добриот наод е гаранција за здравјето
Лекарите предупредуваат дека еден добар наод не значи дека сте здрави. Тоа посебно се однесува на жените, оти нивото на холестерол расте по менопаузата. Се препорачува да се повторат наодите на секоја трета година, а во случај на тегоби и почесто.
Ништо нема да ми биде од пренизок холестерол
Тоа е заблуда, Никој не може да живее без холестерол, а оптимално е во организмот го има од 200 до 300 мг дневно. Некои истражувања покажуваат дека прениското ниво на ЛДЛ холестеролот може да биде поврзано со поголем ризик од рак. Тоа влијае и на расположението, го зголемува ризикот од депресија, оти нискиот холестерол го намалува нивото на хормонот на среќа, серотонин во мозокот.