Дали забележувате се повеќе и повеќе коса на вашата четка?
Иако борбата со опаѓање на косата може да биде многу стресна, сепак, има надеж. Истражувањата покажуваат дека можете да ја зголемите густината на косата со едноставни промени во исхраната, кои и помагаат на косата да расте.
Лосос – Косата и ноктите се всушност протеински влакна, што значи дека треба да консумирате доволно протеини за да ги зголемите новите прамени, а постоечките да станат појаки. Протеинот е, исто така, потребен за производството на кератин, кој е клучна компонента на косата. Добар избор се „морските“ протеини, како лососот, кои го подобруваат здравјето на косата благодарение на омега-3 масните киселини и големата количина на витамини.
-
Мед – Кога се користи како третман, медот може да го подобри изгледот на тенката коса. Истражувањата, исто така, покажуваат дека медот може да го намали губењето на косата кај луѓе со себореичен дерматит
Јаткасти плодови и семиња – Истражување кое ветува запирање на опаѓањето на косата кај жените било објавено минатата година во списанието „Journal of Cosmetic Dermatology“. Учесниците во истражувањето шест месеци добивале додатоци кои содржеле омега-3 и омега-6 масни киселини и антиоксиданти. На крајот од истражувањето, дури 90 % од учесниците пријавиле намалено опаѓање на косата. Овие ефекти може да се постигнат со консумација на јаткасти плодови и семиња како лен и масло од сончоглед и сусам.
Спанаќ – Жените кои имаат проблеми со oпаѓање на косата најчесто немаат доволно железо и витамин Д2 во својот организам. Затоа, спанаќот е одличен избор бидејќи е богат со железо и содржи големи количини на витамин Ц, кој помага при апсорпција на железото.
Масло – Маслото од тиква и рузмарин, како и кокосовото масло може да имаат многу поволно дејство врз скалпот и да го забрзаат растот на косата. Но, маслата може да ви помогнат дури и кога не се дел од вашата исхрана. На пример, користењето на кокосово масло пред и по миењето на косата ја штити вашата коса од опаѓање, додека маслото од рузмарин го забрзува растот на косата.
