Кога и да се појави чувство на болка во градниот кош, обично се помислува на срцето и на проблеми со него. Меѓутоа, има и многу други тригери за оваа непријатна појава, а еве кои се најчестите.
Човечкото тело е беспрекорен механизам кој е поврзан повеќе отколку што мислиме, Така, причината за физичка болка може да биде психичка и обратно. Ниту непријатната болка во градниот кош, која често се јавува, не е исклучок. Освен болка во градите како психосоматска последица, ова се најчестите причинители за таа состојба.
Киселини
Чувството на печење во градите, познато како рефлукс (киселини) се јавува поради враќање на желудочната киселина во хранопроводот, поради што се јавува и непријатно печење. Оваа болка обично се јавува со еден час по оброкот, а освен храната, причина може да бидат и различни лекови, емоционален стрес и пушење, но и брзо голтање на храна, како и лежење по јадење. Киселините може да се превенираат со побавно јадење, доволно џвакање на храната, избегнување на лута храна и слично.
Истегнати мускули
По посета на теретана, но и какво било друго кревање голем товар често се случува оптоварување на градните мускули. Болката која тогаш се јавува е слична на инфарктна болка. Најдобар совет, секако, е да не се оптоваруваат овие мускули со дигање на тешки предмети.
Херпес зостер
Станува збор за заразна болест по која на кожата се појавуваат болни меури исполнети со течност. Освен изиритирана, воспалена и болна кожа, болките може да се јават и во градите, особено ако осипот се наоѓа на градниот кош. Не постои лек кој може да го уништи херпес зостер, она што може да се направи е да се одржува чиста кожата за да се спречи бактериска инфекција.
Проблеми со панкреасот
Само затоа што причината за болка во предлот на градите не упатува на срцев удар, не значи дека болката е безопасна. Имено, интензивната болка во градите може да упатува дека нешто не е во ред и со панкреасот и тоа често може да означува некоја инфекција, ако болката потрае, треба да се јавите на лекар.
Костохондритис
Оваа состојба всушност означува воспаление на ‘рскавицата на градниот кош. Точниот предизвикувач е непознат, а се претпоставува дека може да биде траума од некоја физичка повреда, физички напор, некој вирус или одреден вид на артритис.
