Ако кажеме дека чувствата не трујат, тогаш тоа не е само поетско изразување. Не верувате? Погледнете како чувствата влијаат на одделни органи, па полесно ќе сфатите колку се тесно поврзани со труењето на телото.
Така, кај „вечно тажните луѓе„ се јавуваат хронични тешкотии со дишењето (астма, бронхитис), кај „вечно загрижените„ присутни се тешкотии со варењето, „секогаш лутите и разочарани„ имаат потешкотии со црниот дроб, кај „секогаш исплашените„ постои бела коса, тешкотии со репродуктивните органи, тешкотии при циркулација и воспаление на уринарните органи…
Лутина
Кога сме лути, доаѓа до застој во работата на црниот дроб.Чувството на лутење ја оневозможува нормалната работа на црниот дроб, која исклучително е значајна за чистење на крвта. Ако црниот дроб е блокиран со лутење, тогаш се труеме.
Тага
Слично се случува и кога чувството на жал (тага) ја саботира работата на белите дробови – вториот орган задолжен за детоксикација. Како дишете кога сте тажни? Дали длабоко и опуштено? Не. Може да се каже дека тогаш дишете како риба – плитко и во грч. Затоа не е случајно се вели „тага гуши„. Тагата влијае на дишењето и на дебелото црево, па затоа тогаш дишењето е плитко и се јавуваат тешкотии со варењето – запек. Последица од едното и другото е дека во телото се задржуваат отрови кои не се исфрлиле со дишењето или преку столицата. Крвта не добива доволно кислород и во неа се задржува премног јаглерод диоксид. Тоа го закиселува организмот и го спречува преносот на одредени хранливи материи, а во краен случај, дури доведува некои клетки да се прилагодат на делување без кислород (така се содзаваат клетките на карциномот).
Страв
И третиот орган за детоксијација, бубрезите се под силно влијание на чувствата. Бубрезите и мочниот меур најмногу се под влијание на стравот. Ги знаете изреките „се смрзнал од страв„ или „побледел од страв„? Тоа се случува кога наеднаш ќе дојде до застој на филтрирањето и чистењето на крвта преку бубрезите. Последица од тоа е пореметување на циркулацијата, поради што се јавува студенило во нозете и рацете. Ако стравот трае подолго, последиците се потешки.Бубрезите ги контролираат и мускулите кои го стегаат вратот на мочниот меур и анусот. Доколку се блокирани од страв, доаѓа до нивно попуштање и неможноста да се контролира мускулот за стегање – сфинктерот, па доаѓа до пуштање на урина и измет.
Грижа
Грижата не труе непосредно. Тоа чувство го погодува, најпрво варењето – желудникот,слезината и панкреасот. Често се слуша дека некој има „грчеви од грижи„. Факт е дека тогаш органите за варење се во грч и не можат да си ја извршуваат својата функција. Затоа и најквалитетната храна може да стане отров во телото, бидејќи неправилно се преработува, а варењето започнува во дигестивниот систем и храната останува во згрчените органи. Затоа, наместо добро изџвакана храна со киселини и ензими во цревото доаѓа полуосварена храна, која претставува одлична подлога за патогени организми и нивните отпадни производи кои забрзано трујат.
Алчност
А што е со алчноста? Труењето од алчност го чувствуваме во секојдневните случувања, како кај нас, така и кај другите. За алчните луѓе велиме дека имаат „тврдо срце„ и тоа е многу точен опис. Алчноста го погодува срцето и тенкото црево. Желбата за се поголемо богатство влијае на аритмијата и неправилното работење на срцето. Алчноста успешно ги создава и сите други споменати чувства. Кој живее во постојан страв, дека може нешто да му се одземе, дека ќе пропадне, или се оптеретува со тоа како би можел да стекне уште повеќе, многу брзо почнува да ги доживува и другите чувства.
