Векови наназад копарот е познат како зачинска и лековита билка. Извор е на калциум, манган и железо, а нејзините антивоспалителни и антимикробни својства го прават корисен за здравјето.
Силен антиоксидант. Меѓународни истражувања покажале дека антиоксидантната активност на копарот може да се спореди со аскорбинска киселина (витамин Ц), токоферол (витамин Е) и кверцетин. Поради својата силна антиоксидантна активност, копарот покажува и антивоспалителните својства. Од истите причини, кога ќе се додаде во исхраната ја чува од расипување и ја прави потрајна.
Делува антибактериски. За ова се објавени повеќе истражувања. Семето од копарот се покажало ефикасно против неколку видови на микроорганизми. Друго истражување покажало дека екстрактот од семе од копар убива разни видови габи, вклучувајќи ја и кандидата.
Го намалува холестеролот и шеќерот. Детални истражувања покажале дека екстрактот од копар позитивно делува на профилот на липиди во крвта, ензимите на црниот дроб, како и на ензимската активност и новото на шеќер во крвта.
Помага при депресија. Изненадувачко откритие објавено во списанието Аmerican Journal of Therapeutics утврдило дека терапијата со екстракт од копар покажала значаен антидепресивен и аналгетски ефект и тоа во споредба со одобрени фармацевтски лекови.
Помага при менструални болки. Истражување спроведено на Универзитет во Тајланд покажало дека копарот има благо дејство кое ја намалува непријатноста и болките поврзани со болните месечни менструални циклуси.
