Доколу имате алергија или многу време минувате гледајќи во монитор, понекогаш ништо не може да понуди таква пријатност како кога убаво ќе ги истриете очите. Постојат неколку причини зошто тоа има терапветско дејство: триењето очи го стимулира вагусниот нерв кој може да ги забави отчукувањата на срцето и да ослободи од стрес.
Но, пречестото и преенергично триење на очите може да предизвика оштетувања, влошување на постоечката состојба или да го зголеми ризикот од инфекција.
- РИЗИК ЗА ПОЈАВА НА БОЛЕСТИ НА ОКОТО
Хроничното триење на очите може да доведе до слабеење на рожницата и нејзино изобличување, односно појава на дегенеративно заболување кератоконус. Постојаното триење на ткивото на рожницата може да предизвика таа да се истенчи, а сериозните оштетувања изискуваат трансплантација на рожница.
- ГРЕБАНИЦИ НА РОЖНИЦАТА
Доколку во окото ви влегла трепка или прашина, која ви го иритира окото, махинална рекација е да го истриеме со рака. Но, тоа може да ја влоши ситуацијата. Така, ризикувате да ја изгребете рожницата, што е состојба која сама од себе се санира за еден-два дена, но може и да се развие чир ако не се лекува. Во такви ситуации треба да се користи вода или физиолошки раствор за испирање на окото.
- ВЛОШУВАЊЕ НА КРАТКОВИДОСТА
Кај лицата кои се кратковиди, триењето на очите може дополнително да го влоши и ослаби видот. Кратковидоста или миопија е се почеста состојба во последните неколку деценции. Речиси 9,6 милиони лица имаат висока миопија и со тек на време нивниот вид станува се полош.
- ПОЈАВА НА ИНФЕКЦИИ НА ОКОТО
Без разлика колку често ги миете рацете и натаму на нив може да се присутни бактерии. Ако со раце ги допирате очите, може да пренесете бактерии кои може да предизвикаат конјуктивитис или некоја друга болест.
- ПУКАЊЕ НА КРВНИ САДОВИ ВО ОКОТО
Ако често и силно ги триете очите може да дојде до пукање на тенките крвни садови во окото. Тоа може да изгледа како козметички проблем, но може да се претвори и во изглед на “крвави“ очи.
