Какаото се смета за суперхрана, пред се, поради огромниот процент на присутни антиоксиданти, витамини и минерали. Ваквиот состав дава можност организмот да биде доволно подготвен да се бори против инфекции, воспаленија, малигни болести, да биде витален и здрав.
Магнезиум – здраво срце и мозок
Покрај железото, какаото се смета за богат извор и на магнезиум. Магнезиумот е еден од најважните минерали одговорни за здрав развој на срцето. Помага во трансформирањето на гликозата во енергија неопходна за правилна функција на мозокот, овозможува подобра концентрација и фокус.
Моќен антиоксидант
Низа истражувања веќе го имаат докажано антиоксидантниот ефект на какаото. Со неговата моќ овозможува организмот да ги апсорбира и уништи слободните радикали (кои доаѓаат од загадување и токсини во нашето опкружување). Ваквите слободни радикали предизвикуваат оштетување на клетките и ткивата при што доаѓа до развој на болести меѓу кои и малигните болести.
Богат извор на железо
Какаото се смета за најдобар растителен извор на железо. Нутриционистите честопати го споредуваат какаото со говедско и јагнешко месо во однос на составот на железо. За да се искористи максимално железото, се препорачува какаото да се комбинира со храна богата со витамин Ц.
Повеќе калциум од млекото
Верувале или не, какаото содржи повеќе калциум и од кравјото млеко. Истражувањата покажале дека сировото какао содржи повеќе железо дури и од спанаќот. Какаото е идеален пијалак за лечење на слабокрвноста, а, исто така, помага и при намалување на крвниот притисок.
Го подобрува расположението
Какаото ги содржи четирите најефикасни состојки кои докажано делуваат на расположението: серотонин, допамин, анандамид и фенилетиламин. Овие невротрансмитери се поврзани со чувството на среќа, благосостојба, а се смета дека делуваат позитивно и кај депресија.
