![OSI1](https://panacea.mk/wp-content/uploads/2018/07/OSI1.jpg)
Нормално е човек по будењето наутро да има гурелки во очите. Но, ако тие се формираат преку ден или, пак, очите солзат или се сушат, тоа може да е знак на сериозен здравствен проблем. Солзењето на очите може да говори општо за вашето здравје.
Имате очна инфекција
Различни инфекции на очите како блефаритис или конјуктивитисот предизвикуваат силна раздразнетост на окото. Како резултат на тоа телото реагира така што создава слузна течност. Возможно е наутро да се разбудите и да не можете да ги отворите очите или капаците да ви се слепени еден со друг. Во таков случај посетете лекар или обидете се на природен начин со камилица да направите промивка на очите.
Настинка
При настинка, еден од првите симптоми кај многу луѓе е солзење на очите. Настинката влијае на сите мускулни мембрани во главата, вклучувајќи ги и очите. Со поминување на настинката, исчезнува и овој симптом.
Имате алергија
Кога човек има алергија или неподносливост кон нешто, вообичаено еден од првите симптоми е солзење на очите или кивање. Ако имате сомнеж за алергиска реакција, првиот чекор е да го отстраните или да се оддалечите од потенцијалниот наздразнувач. Најдобро е да се консултирате со алерголог.
Сувост во очите
Иронично, но може да се покаже дека причината за појава на гурелки и солзење на очите е проблем со солзната жлезда. Можно е оваа жлезда да произведува премалку и по постигнувањето на овој сигнал, да доведе до хиперпродукција. Тоа изгледа така што во еден момент очите ви солзат многу во краток период, а потоа ги чувствувате многу суви, а потоа повторно солзни.
Контактни леќи ви се за чистење/замена
Контактните леќи имаат свои предности и недостатоци. Сепак, нивната употреба крие одредени ризици. Еден од нив е вметнување на слабо исчистени леќи во очите. Сосема нормално, окото реагира со солзење за да се заштити од микроорганизми. Друг сигнал што го дава солзењето на очите е да ги замените контактните леќи со нови.