Наглото губење на килограми (без да сте ги промениле прехранбените навики, или поинтензивно сте започнале да се занимавате со вежбање), е симптом кој никако не смеете да го занемарите.
Треба да внимавате колкаво е губењето на килограмите и во кое време. Овде секако треба да ја проверите работата на штитната жлезда, да направите основен физикален преглед, крвна слика, и да добиете увид за моменталната состојба на организмот за да се открие причината за губењето на килограмите, објаснуваат стручњаците.
За жените особено е опасно крварење по менопаузата. Во овој случај би требало да се направи ултразвук или да се побара специјалистичка помош за да се исклучи можноста за тумор или задебелеување на слузницата на матката, односно хиперплазија. И постојаното крварење е сериозен симптом кој никако не смее да се занемари.
Крвта во урината може да биде знак за туморски процес во уринарниот тракт, крв од брадавицата на дојката може да биде симптом за рак на дојка, а кај жените обилното и неправилно крварење исто така треба да се регистрира и задолжително да отидете на лекар.
Долготрајното болно грло е симптом кој често може да се поврзе со засипнатост и кашлање, но ако е константно, а не е последица од настинка или алергија, треба што побрзо да посетите лекар за на време да се отстранат сомнежите за тумор во грлото.
А кај секоја, па и најмала промена на младежите, треба да се обратите на лекар, кој ќе ве упати на дерматолог. Секогаш темелно се гледаат промените, како големината, бојата, испакнувањето на младежите и промена на самите рабови. За меланом (рак на кожата) многу е важно што порано да се открие бидејќи тоа е многу важно за натамошното лекување.
